Apple MacBook Air‘ni e’lon qilganiga mana bir oy bo‘ldi. techblog.uz - yangi texnologiyalar blogida bu haqida maqola chiqib qolsa ko‘chirib olaman deb rosa kutdim, haligacha darak yo‘q. Shuning uchun o‘zim yozishga qaror qildim :)

Hozirgi kunda MacBook Air dunyodagi eng ingichka notebook hisoblanadi. Uning eng ingichka qismi 0.16 inch (4.064 millimetr), eng qalin qismi esa 0.76 inch (19.304 millimetr). Shu o‘rinda aytib o‘tish lozimki, MacBook Air’ning eng qalin qismi raqobatdosh notebook’larning eng ingichka qismidan ham yupqaroqdir. Air shunchalik kichikki, u xatto kattaroq maktub konvertiga sig‘adi.


MacBook Air’ning ba’zi xususiyatlari:
Davomi ›

Sun Microsystems Inc. internet olamida eng mashxur va keng tarqalgan ochiq kodli ma’lumotlar ba’zasi - MySQL AB‘ni sotib oldi.

“Biz LAMP‘ning M’iga bir milliard dollar tikdik” deb yozadi Sun’ning prezidenti Jonathan Schwartz o‘z blogida. Internet jamoatchiligining bu voqeaga munosabati turlicha. Ba’zilar Sun’ning bu savdosidan juda xursand: “MySQL orqasida endi avvalgidan ham kuchli kompaniya bo‘ladi”, “MySQL yana ham keng rivojlanishida katta qadam bo‘ldi” degan fikrlar bildirmoqda. Boshqalar esa MySQL’ning kelajagidan anchagina xavotirda: “1 milliard dollar pul sarflagan kompaniya internet texnologiyalarida keng foydalanilayotgan ushbu ma’lumotlar ba’zasining keyingi versiyalarini shundoq tekinga berib qo‘yarmidi?”, “MySQL’ni endi Sun ko‘mib qo‘ya qolmasa bo‘lgani edi…” kabi fikrda bo‘lmoqdalar.

Men ham ochiq kodli dasturiy ta’minotlarning katta qiziquvchisi va qo‘llab-quvvatlovchisi sifatida, MySQL o‘zining keng jamoatchiligi dastagidan ayrilib qolmasinda degan hayolga bordim…

Mozilla Firefox brauzerining hamma bilgan yaxshi xususiyatlaridan biri “tabbed browsing” - “oyna ichida oyna”dir. Veb sahifalarni o‘qish va internetda ishlash borasida birnecha “tab” - oynachalar ochishga to‘g’ri kelib qoladi. Shu bilan bir paytda komputerni qayta ishga tushirish yoxud ish joyini tashlab ketilgach o‘rtada elektr tokining uzilishi yoki boshqa biror sababga ko‘ra komputer o‘chib qolishi holatlari yuz beradi. Bunday holatda Firefox o‘xirgi bor ochiq bo‘lgan “tab”larni eslab qoladi hamda keyingi safar ishga tushirilganda avval ochiq bo‘lgan oynachalarni qayta yuklashni maslahat beradi.

Davomi ›

Hamma daryoning narigi qirg‘og‘iga o‘tishi kerak. Bu test Xitoyda kompyuter xodimlarini ishga olishda beriladi. Yechish uchun o‘rtacha 15 minut vaqt beriladi…

Qoidalar:

• Solga (plot, qayiq) minish va tushish uchun odamchalarga bosing.
• Solga (plot, qayiq) bir vaqtning o‘zida ikki kishi mina oladi.
• Ota qizlari bilan birgalikda onalarisiz qoldirilishi mumkin emas.
• Ona o‘g’illari bilan otalarisiz qoldirilishi mumkin emas.
• Maxbus hech bir oila a’zolari bilan birgalikda melitsiya xodimisiz qoldirilishi mumkin emas.
• Solni (plot, qayiq) faqat ota-onalar yoki melitsiya xodimi boshqara oladi.
• Suzish uchun qizil richagga bosish lozim.

O‘yinni boshlash uchun ko‘k aylana tugmachaga bosing.

Birinchi urinishda 14 minutda, ikkinchi urinishda 6 minutda, uchinchisida 2 minut 44 sekundda yechib tashladim. :)

 

 Xitoycha IQ test: Play Now | Play in Popup