SHINGIL

Kunimizning ajralmas qismiga aylanib ulgurgan audio/video fayllarni ko‘rish uchun ko‘plab playerlar mavjud. Kimgadur unisi yoqadi, kimgadur bunisi yoqmaydi. Ushbu maqolada men o‘zimga yoqqan ba’zi video playerlarni sanab o‘taman. Xullas, boshladik:

1. VLC Player – erkin va ochiq kodli dasturiy ta’minotlardan bo‘lmish ushbu player bepul bo‘lishidan tashqari barcha mashxur OTlarda ishlaydi. Bu OTlarga Windows, Mac OSX, BeOS, Syllable, Linux‘ning ko‘plab distributivlarini (Debian/Ubuntu/Fedora/Mandriva/openSUSE/Red Hat/Slackware…) misol qilish mumkin.

VideoLAN MPEG, DIVX, AVI, MP4, MOV, 3GP, OGG, FLV, WMW, MIDI, ASF, Indeo video va boshqa ko‘plab video fayllarni hech qanday qo‘shimcha kodeklarsiz chala oladi. Bundan tashqari video fayllar uchun chiqarilgan ost-matnlar(subtitles)ni ham ko‘rsatadi. VLC Player yordamida onlayn uzatilayotgan videolarni ko‘rish, komputerga saqlab olish mumkin.

VLC Playerni hozirgi kundagi eng oxirgi versiyasini 0.9.4 (14 MB) VideoLAN saytidan bepul saqlab olishingiz mumkin.

2. GOM Media Player – Karis programmistlari tomonidan ishlab chiqarilgan bepul, Windows OTda ishlaydigan video playerdir. GOM player AVI, MPG, MPEG, DAT, WMV, ASF, ASX kabi video formatlarni chala oladi va xatto DVD-sifatli videolarni 5.1 audio kanal bilan ko‘rishga imkoniyat beradi.

GOM Media Player ko‘plab mashxur (XviD, DivX, FLV1, AC3, OGG, MP4, H263 va boshqa) kodeklarni qo‘llaydi va qo‘shimcha kodek o‘rnatishga hojat qoldirmaydi. Mabodo video fayl playerda mavjud bo‘lmagan kodek bilan qisilgan bo‘lsa, player mazkur kodekni ma’lumotlar bazasidan izlab topib, uni qanday o‘rnatish kerakligigacha yo‘l-yo‘riq ko‘rsatib beradi.

GOM Playerning hozirgi kundagi eng so‘nggi versiyasi 2.1.9.3754 (5.57 MB), uni playerning saytidan saqlab olishingiz mumkin.
(davomi…)

Avvalgi maqolada Mozilla Firefox hamda Flashget yordamida veb sahifalardan videolarni saqlab olish usulini ko‘rib chiqqan edik. Bu usul juda ham ommabop bo‘lishiga qaramasdan, ba’zi saytlardagi videolarni saqlab olishda qo‘l kelmaydi. Masalan, mana bu bog‘dagi videoni Firefox/Flashget bilan saqlab olib bo‘lmaydi. Ammo har qanday onlayn uzatilayotgan videoni qandaydir saqlab olish usuli doimo mavjud bo‘ladi. Ana shunday usullardan biri VideoLan (VLC) media playerdan foydalanishdir.

Xullas, eng avval VLC Playerni saqlab olib o‘rnatamiz. Microsoft Windows foydalanuvchilari Windows versiyasini saqlab olib o‘rnatishlari kerak. Bundan tashqa VLC ko‘plab boshqa operatsiyon tizimlarda ham o‘rnatilishi mumkin.

Playerni o‘rnatib bo‘lgach, uni ishga tushiramiz. So‘ng player yuqorisidagi menyudan Media (Rasm 1) -> Convert/Save -> Network: yuqoridagi bog’ kiritamiz adresini -> Convert/Save -> Save (Rasm 2).

Shu bilan tamom, endi faqat videoni saqlanib bo‘linishi kutish qoldi xolos :)

Rasm 1

Rasm 2

Ushbu yo‘riqnomada Google Video, Youtube kabi video serverlarda joylashgan videolarni qanday saqlab olishning bir usuli tushuntirilgan.

Videolarni saqlab olish uchun kerakli programmalar:

• Flashget — saqlab oling va o‘rnating.
• Mozilla Firefox — o‘zingizga kerakli OS va tilda saqlab oling. O‘rnating.
• Mozilla Firefox uchun qo‘shimchalar — add-on’lari:
  • Flashgot — URL‘ni Firefox bilan ochib, o‘rnating.
  • DownloadHelper — URL‘ni Firefox bilan ochib, o‘rnating.

Yuqoridagi tartib muhim emas, ammo tartib bilan amalga oshirilsa ko‘zda tutilmagan muammolar kelib chiqishi oldi olinadi.

Saqlab olish va o‘rnatishlar tugatilgach Mozilla Firefox ochiladi, “adresnaya stroka”ni oldida DownloadHelper’ning belgisi paydo bo‘gan bo‘ladi (3ta sharchalar bir-biriga birlashtirib uchburchak yasalgan belgi). Shu belgiga sichqonchaning o‘ng tugmasi bosiladi (right-click). Paydo bo‘lgan menudan birinchisi tanlanadi (Preferences). Yangi kichik oyna ochiladi, u yerdan birinchi opsiyadan (Download mode) Flashgot deyilgani tanlanadi. OK tugmachasini bosib u yerdan chiqiladi.

Endi saqlab olmoqchi bo‘lgan videoni tanlashimiz kerak. Masalan, aytaylik, Sysadmin va foydalanuvchi videosini saqlab olmoqchimiz. Sahifa ochilgach Play tugmachasiga bosiladi (alternativ ravishda tanlangan videoning o‘ng past tomonidan “Go to Google Video” tugmachasi bosilsa ham bo‘ladi).

Shunda “adresnaya stroka”ning yonidagi DownloadHelper’ning belgisi aylana boshlaydi. Uning yonida esa pastga qaragan strelka ham faollashadi. Shu strelkaga bosilsa ba’zan bitta, ba’zan esa birnechta fayl nomlari chiqadi. Ulardan “U” belgisiga o‘xshash qizil strelkasi bori tanlanadi. Shunda Flashget avtomatik ravishda ishga tushib fayl saqlab olish oynasi ochiladi. OK tugmasi bosilsa video komputeringizga saqlanishni boshlaydi.

Izoh: Bu o‘rinda bitta unsurni hisobga olish kerak: Google Video va unga o‘xshash real-time streaming serverlardan dial-up’ga o‘xshash sekin tezlik bilan katta hajmdagi fayllarni saqlab olib bo‘lmaydi.